Dječak iz Srbije je na moru, u plićaku Metamorfozisa uhvatio ribu draken. Riječ je o ribi koja kod nas ima nekoliko naziva, riba pauk, riba zmaj ili “dragana” i nije poznata po dobru.
Moralno pitanje o kom polemišu naši turisti: šta treba uraditi sa ribom koja je opasna? Da li je vratiti u more jer je živo biće ili je ipak ukloniti kako ne bi povrijedila još nekog?
Na fotografiji je riba Dragon fish ili Morski pauk (Dragana ili Drakena) čiji je ubod veoma bolan i može izazvati mnoge komplikacije. Kažu da može njen ubod može izazvati paralizu govora, a kod starijih ljudi čak i infarkt.
Dragon fish je riba koju karakterišu šare na leđima. Sa donje strane ima bodlju okrenutu unazad, a sličnu bodlju ima i na prvom leđnom peraju. U pitanju je riba veličine do 10cm koja je sakrivena u pijesku pa je nije lako primijetiti.
Dermatolog Ivana Janković zna koji su simptomi i kako koža reaguje na ubod ove ribe. Ovo je njena preporuka:
“Kada vas ova riba ubode ili nagazite na nju, prvo se javlja jak bol, koji može trajati satima, a moguća je i nesvjestica, povraćanje, lupanje srca i povišena temperatura.
Zato ukoliko neko osjeti jaku bol mora otići odmah kod ljekara, gdej će dobiti injekciju od koje će se bol umanjiti. Mjesto uboda će oteći i to može trajati i nekoliko dana, ali postoji mast koja se maže i sve se brzo vraća na svoje mjesto.
Ukoliko se osoba koju je ubola Dragon fish ili Morski pauk ne nalazi u blizini bolnice ili ambulante, mjesto uboda treba staviti u vruću vodu ili vruć pesak jer je otrov je termolabilan i bol će nakon nekog vremena prestati. Nakon toga se obavezno mora obratiti ljekaru, napisano je u objavi Grckainfo.com na Fejsbuku.
